პროგრამა - წარმოდგენების გამდიდრება - გაფართოება უფროსების შრომით საქმიანობაზე; დადებითი დამოკიდებულების გამოხატვა ყველა სახის შრომისადმი.

ლექსიკის გამდიდრება შრომითი საქმიანობის ამსახველი გამოთქმებით.

რ. ქორქიას მოთხრობის "კარგი ოინი"'- წაკითხვა.

მეტყველების განვითარება

პროგრამა თხრობა თავისი საქმიანობის შესახებ

მწყობრი მეტყველება – მცირე მოცულობის მოთხრობის შედგენა დასახელებული თემის მიხედვით. Fფაქტებსა და მოვლენებს შორის კავშირის სწორად დამყარება, ზაფხულის საქმიანობის გახსენება; თხრობისას სიუჟეტის თანდათან განვითარება, საინტერესო ფინალის მოფიქრება;

ლექსიკა და გრამატიკა – მოსაყოლი ამბის სინონიმებით გამრავალფეროვნება; სახელობითი და მოთხრობითი ბრუნვების სწორად გამოყენება.

სავარჯიშო – შრომითი საქმიანობის დამახასიათებელი სიტყვების მოფიქრება: კრეფა, ამოვლება, დაწურვა, ბოსტნეულის ამოღება, მოტეხვა (სიმინდის ტაროსი), ბერტყვა (კაკლის), შეგროვება. სიტყვების სწრაფად, ხმამაღლა, მკაფიოდ წარმოთქმა.

მხატვრული ლიტერატურა

პროგრამა – წიგნისადმი ინტერესის და სიყვარულია აღზრდა, მისი გამოყენების ელემენტარული ჩვევების დაუფლება – ილუსტრირებული წიგნის ფრთხილად, ფაქიზად დათვალიერება; ფურცლების აკურატულად გადაფურცვლა. ლიტერატურული ნაწარმოებისადმი ინტერესის აღზრდა. საუბარი მის სიუჟეტზე – დიდი წვიმის შემდეგ მდინარის ადიდებას, გზებისა და ჯებირების წალეკვას წყლის სტიქიას უწოდებენ. ხშირია დედამიწაზე სხვადასხვაგვარი სტიქია (ცეცხლი, ქარიშხალი, მიწისძვრა და სხვა)

ნ. კეცხოველის მოთხრობის “მატარებელი გადაარჩინა” – წაკითხვა. გმირის საქციელის სწორად შეფასება, თავისი მოსაზრების გამოთქმა – მსგავს შემთხვევაში როგორ მოიქცეოდა?

ც.         ქიტიაშვილის ლექსის “წყალი” – გაცნობა.

თამაშები

დაამთავრე წინადადება

მიზანი – მოქმედების დასრულების გამომხატველი ზმნების მოფიქრება

თამაშის ჩატარების მეთოდიკა – მშობელი იწყებს წინადადებას, ბავშვი ამთავრებს

-          კესომ გაიღვიძა და... … (წავიდა პირის დასაბანად, გარეგნობის მოსაწესრიგებლად, სავარჯიშოდ)…

-          ლუკამ ჩაიცვა და... … (სასეირნოდ წასვლა გადაწყვიტა, სათევზაოდ წავიდა)

-          ლეკვს შეეშინდა და... (დედა ძაღლს მოეფერა. ჭკმუტუნი დაიწყო)

წინადადების დანთავრებაზე მშობელი ინტონაციით მიანიშნებს

რომელ ცხოველს რა შეუძლია

მიზანი – ცხოველთა დამახასიათებელი მოქმედებების გამომხატველი ზმნების შერჩევა-დასახელება.

თამაშის ჩატარების მეთოდიკა – მშობელი აჩვენებს ბავშვს სხვადასხვა ცხოველის სურათს; ბავშვმა უნდა დაასახელოს რის გაკეთება უყვარს ამა თუ იმ ცხოველს, როგორ ხმას გამოსცემს. Mმაგალითად – კატას უყვარს რძე; კატა კრუტუნებს, კნავის, იკაწრება, თაგვებს იჭერს...…

ასევე შეიძლება გაგრძელდეს საუბარი ფრინველებზე მაგ., მამალი ყივის, ბატი სისინებს და ა. შ.

გამოცანები

***

ქარწვიმებთან

 ღამენათევს

არწივის შვილს

ჰქვია მ... (მართვე)

***

ყვავმა საყვავეთს ახარა; -

შემეძინა ბ... (ბახალა)

***

სულიერია ტყიური,

ძალიან სიმპათიური,

რქები აქვს ამონაყარი,

არ უყვარს აყალმაყალი. (ირემი)

***

ნაწვიმარზე ბრწყინავს, ელავს,

მორკალული ც... (ცისარტყელა)

***

ხან ყინვაა, ხან – ქარბუქი,

-          აბა ციგა, აბა ქურქი!

-          ახალი წლის მოლოდინი,

-          ნამცხვრები და ბლომად ხილი,

-          გოზინაყიც მზად არის!

-          წლის რა დროა? – ზ... (ზამთარი)

უკან დაბრუნება