გარემოს გაცნობა

პროგრამა - შემოდგომის ბუნების დამახასიათებელი ნიშნების გაცნობა. (დილითა და საღამოს უკვე გრილა; დღისით ჯერ ისევ თბილა; ხეებზე ფოთლებმა ფერი იცვალეს და აჭრელდნენ: ყვითლად, წითლად, ზოგი კვლავ მწვანეა;) ფოთლების მიხედვით ნაკვეთის ერთი ან ორი ხის დასახელება. ფრინველები თბილი ქვეყნებისაკენ გაფრინდნენ.

ლექსიკა: შემოდგომა, აჭრელდა, აგრილდა, გადაფრენა.

ნ.კეცხოველის მოთხრობის "თბილი ქვეყნისაკენ"- წაკითხვა.

მეტყველების განვითარება

თხრობა წაკითხულის მიხედვით

პროგრამა (შ. თაბუკაშვილის მოთხრობა "სოფელში").

მწყობრი მეტყველება - მოთხრობის ყურადღებით მოსმენა, შინაარსის თანმიმდევრობის დამახსოვრება, თხრობა ძიძის დახმარებით.

ბგერითი კულტურა - ბგერათა სწორ წარმოთქმაზე ვარჯიში (ყიყინი, სისინი, ყივილი, ყეფა).

გრამატიკა - ზმნისა და არსებითი სახელის სწორად გამოყენება, პირსა და რიცხვში მათი სწორად შეთანხმება.

ლექსიკა - შინაური ცხოველების სწორად დასახელება.

მასალა - მოთხრობის შინაარსის ამსახველ პერსონაჟთა სათამაშოების შერჩევა - გამოყენება.

მხატვრული ლიტერატურა

პროგრამა - მოთხრობის შინაარსის შესაბამისი ემოციითა და ინტერესით მოსმენა, გაერკვეს კრუხისა და წიწილების ურთიერთობაში - კრუხი ზრუნავს თავის წიწილებზე, ასწავლის საჭმლის მოპოვებას, აცნობს ეზოს ბინადრებს.

ნ. ნაკაშიძის მოთხრობის "კრუხი და წიწილები" წაკითხვა.

გ. ალხაზიშვილის ლექსის "ნაბოლარა"- მოსმენა.

 გარემოს გაცნობა

პროგრამა - ბუნების მოვლენათა დასახელება - მზე ანათებს, ჰაერი თბება, ქარი ქრის, გრილა, ხეები ირხევიან, ტოტები ხმაურობენ, ფოთლები შრიალებენ, მალე ძალიან აცივდება, ადამიანებს თბილად აცვიათ.

ლექსიკა - ქრის, ირხევიან, შრიალებენ, გრილა.

 მეტყველების განვითარება

პროგრამა სათამაშოების აღწერა

მწყობრი მეტყველება - ნაცნობი სათამაშოების შესახებ ორ-სამ წინადადებიანი მოთხრობის შედგენა ძიძის დახმარებით (დიდაქტიკური თამაში "გამოიცან სათამაშო").

ლექსიკა და გრამატიკა - ცხოველთა შვილების (ნაშიერების) სწორად დასახელება, "ებ"-იანი მრავლობითის სახელთა გამოყენება მეტყველებაში.

ბგერითი კულტურა - ბგერების ხმამაღლა, მკაფიოდ წარმოთქმაზე ვარჯიში.

თვალსაჩინო მასალა: თეჯირი; სათამაშოები: ძაღლი - ლეკვი, კატა-კნუტი, თაგვი-წრუწუნა ან ნებისმიერი ცხოველისა და მისი ნაშიერის ამსახველი სათამაშო ან სურათები.

 მხატვრული ლიტერატურა

პროგრამა - ლექსისა და პროზაული ნაწარმოების გარჩევა-განსხვავება, წაკითხული ლექსის ყურადღებით მოსმენა, მისი შინაარსის გაგება და წაკითხულის შესახებ გამართულ საუბარში მონაწილეობის მიღება;

 ი. სიხარულიძის ლექსის "რა კარგია შემოდგომა" წაკითხვა.

 გარემოს გაცნობა

პროგრამა - ოთახის მცენარეების მოვლა-პატრონობა, აღმზრდელთან ერთად მიწის გაფხვიერება, გადასარგავი ყლორტების სხვა ჭურწელში - საყვავილეში გადატანა. გამხმარი ღეროებისა და ფოთლების შემოცლა, მიწაში მცენარის საკვების - ნეშომპალას დამატება. ფესვებისათვის წყლის დასხმა.

ლექსიკა - ფოთლები, ღერო, ფესვები, გაფხვიერება.

 მეტყველების განვითარება

პროგრამა სურათის აღწერა

მწყობრი მეტყველება - სურათის ყურადღებით დათვალიერება, აღმზრდელის ხელმძღვანელობით მისი აღწერა, ცალკეულ მომენტებზე (ფრაგმენტებზე) საუბარი, კითხვებზე პასუხის გაცემა აღმზრდელის დახმარებით.

ლექსიკა - საგნების და მათი მოქმედებების სწორად დასახელება.

გრამატიკა - სიტყვათა მარაგის აქტიურად გამოყენება წინადადებების აგებისას.

ბგერითი კულტურა - მეტყველებისას ნარნარა რ, ლ, ნ ბგერების ხმამაღლა, მკაფიოდ წარმოთქმაში ვარჯიში.

მხატვრული ლიტერატურა

პროგრამა - ლექსის მოსმენა, დადებითი ემოციების გამოწვევა, ზრუნვა იმისათვის, რომ იგრძნოს ლექსის სილამაზე, შეძლოს კითხვაზე პასუხის გაცემა: "რატომ ელიან სიხარულით რთველის მოსვლას?"

(ი.       სიხარულიძის ლექსის "რა კარგია შემოდგომა" - წაკითხვა).

გარემოს გაცნობა

პროგრამა - ბუნების მოვლენებზე სწორი წარმოდგენების ჩამოყალიბება, საუბრისას მათი სწორად გადმოცემა (დაღამდა - გათენდა, მზე ანათებს - თბილი, ქარი ქრის - ცივა, წვიმს - ჩნდება გუბეები). სიტყვათა მარაგის გასამდიდრებლად არაცოცხალ ბუნებაზე ცოდნა - წარმოდგენების გაფართოება შესაბამისი სალექსიკონო მუშაობით.

შ. მღვიმელის ლექსის "შემოდგომა" -წაკითხვა.

მეტყველების განვითარება

პროგრამა ნაცნობი მოთხრობის თხრობა შეკითხვების საშუალებით

მწყობრი მეტყველება - მოთხრობის შეხსენება კითხვების მიხედვით; აღმზრდელის დახმარებით ნაცნობი ამბის თხრობა.

გრამატიკა - ყოლა-ქონების გამომხატველი ზმნებით სწორად სარგებლობა "სათამაშო მაქვს", მაგრამ "კნუტი მყავს". ზმნისა და არსებითი სახელის სწორად შეწყობა პირსა და რიცხვში.

ლექსიკა - შეძენილი ლექსიკით სარგებლობა; მარტივი ანტონიმების გამოყენება (დიდი-პატარა, გრძელი-მოკლე).

ბგერითი კულტურა - ბგერების მკაფიოდ წარმოთქმაზე ვარჯიში.

მხატვრული ლიტერატურა

პროგრამა - წიგნისადმი ინტერესის გრძნობის აღზრდა. მოყოლილი ზღაპრის შინაარსის ემოციურად და დიდი ინტერესით მოსმენა, ბავშვებში ზღაპრის ცალკეული საინტერესო წინადადებების და ფრაზების გამეორების სურვილის გამოწვევა. (მოყოლისას, სასურველია, პერსონაჟთა მეტყველება გადმოიცეს ხმის მიმბაძველობით).

უკან დაბრუნება