მშობელმა 5-იდან 6 წლამდე ასაკში ბავშვს უნდა ჩაუნერგოს მშობლებისა და უფროსებისადმი პატივისცემის გრძნობა, რისთვისაც შეუძლია გამოიყენოს მხატვრულ ლიტერატურა და საუბრები, თუ როგორ დაეხმაროს ოჯახის წევრებს და გაახაროს ისინი.

მშობელმა უნდა განუმტკიცოს ბავშვს ბინის მისამართის დამახსოვრების უნარი;

-          დააზუსტოს ბავშვის წარმოდგენები სხვადასხვა საგნებზე. მაგ, აუხსნას, რომ ადამიანს სჭირდება ტანსაცმელი და ფეხსაცმელი (წელიწადის დროის მიხედვით); ოჯახში დგას ავეჯი: მაგიდა, ტახტი, საწოლი და სხვა; აცნობოს რომ მაგიდა შეიძლება იყოს სხვადასხვა ფორმის, ფერის, ზომის, მასალისა და ამასთან სხვადასხვა დანიშნულების, მაგიდასთან მიირთმევენ საჭმელს, კითხულობენ, ხატავენ და სხვა;

-          გააცნოს ბავშვს სასწავლო ნივთები; აუხსნას, რომ სკოლაში ასწავლიან წერა-კითხვას და ამიტომ საჭიროა წიგნები, რვეულები და ა. შ;

-          გარემოს გასაცნობად მშობელიმ უფრო ფართოდ უნდა გამოიყენოს სურათები და დიდაქტიკური თამაშები. განუმარტოს ასევე საგზაო მოძრაობის წესები;

-          გააცნოს ბავშვს ბიბლიოთეკის დანიშნულება: ბიბლიოთეკაში ბევრი წიგნია, უფროსები და ბავშვები კითხულობენ ამ წიგნებს. წიგნს ყველა უნდა გაუფრთხილდეს, რომ სასიამოვნო იყოს მისი წაკითხვა;

-          გააცნოს გამოჩენილი ქართველი ისტორიული პიროვნებები (ვახტანგ გორგასალმა დააარსა  ქალაქი თბილისი, დავით აღმაშენებელმა გააერთიანა საქართველო); ქართველი მწერლები (ილია ჭავჭავაძე, აკაკი წერეთელი) და მხატვრები (ლ. გუდიაშვილი, ნ. ფიროსმანი) და აუხსნას, რომ ისინი საქართველოს პატრიოტები იყვნენ და ძალიან უყვარდათ სამშობლო და ჩვენ პატივი უნდა ვცეთ მათ შემოქმედებას;

-          გააცნოს საქართველოს სხვადასხვა კუთხე, მნიშვნელოვანი ქალაქები (ქართლში – მცხეთა, აჭარაში – ბათუმი) და ღირსშესანიშნავი ადგილები (ეკლესიები, ფუნიკულიორი, თეატრები).

Mმთავარი კი, რისი მიღწევაც სასურველია ყველა ზემოთ ჩამოთვლილი ქმედებებიდან არის ის, რომ მშობელიმ შეძლოს ბავშვში დადებითი ემოციების გამოწვევა და ესთეტიკური დამოკიდებულების ჩამოყალიბება გარემოს მიმართ.

უკან დაბრუნება